Napasama kasi ang batang aktres sa isang malaking drama series. Dahil nga sa naging hit ang drama series, nakilala agad ang batang aktres at doon din nagsimula ang paglaki ng ulo nito.
Sey ng aming source na ang magulang daw ng batang aktres ang naging dahilan kung bakit naging maldita ang bata. Pinasok daw sa utak ng bata na sikat na ito at dapat lang na mag-astang sikat.
“Noong una naman mabait ang batang ‘yan. Parating may ‘po’ at ‘opo’ kapag kinakausap kami. Aba, noong makilala na, hindi na naging magalang. At laging nakasinghal sa alalay niya sa set.
“Noong pinapabihis na nga para sa eksena niya, nag-dialogue ba naman ng, ‘Nandiyan na ba ang bida?
Kung wala pa, hindi pa ako magbibihis!’
“O hindi ba, impakta ang bata? Eh nandoon ang magulang, pina*mimihasa nilang sumagot ng gano’n.
“Eh narinig siya noong isang artista ng show na matagal nang nagtitimpi sa ugali niya. Noong umalis ang magulang nito para bumili ng pagkain, kinuntiyaba niya ang alalay para pagalitan niya ito.
“Ayun tinalakan niya ang bata at sinabihan na hindi siya sikat. At maging mabait siya sa alalay niya dahil balang-araw ay baka lasunin na lang siya nito kapag umasta pa siyang ‘di maganda,” kuwento pa ng aming source.
Natulala nga raw ang batang aktres at tuwang-tuwa naman ang alalay nito dahil sa wakas ay may nagsermon sa bata. Tuwing makikita raw ng bata ang nanermon sa kanya na artista ay super-behave ito at nagiging magalang na sa mga nakakatanda sa kanya.
Sino Ang HULA niyo Comment na !
No comments:
Post a Comment