BUNTIS ang isang young actress kaya mukhang namumroblema ang production staff ng isang primetime teleserye na kasama siya.Kung kailan medyo gumaganda na ang takbo ng showbiz career ni young actress ay saka siya nabuntis nang hindi sinasadya.
Hindi ang kapareha niyang young actor ang nakabuntis sa kanya kundi ang non-showbiz boyfriend niya.
Hindi si preggy young actress ang bida sa nasabing primetime teleserye pero maganda ang role niya rito at importante ang papel na ginagampanan niya.
Ang alam namin ay bahagi siya ng istorya hanggang sa katapusan nito, pero mababago ‘yon dahil sa nangyari sa kanya.
Isang katrabaho niya sa nasabing teleserye ang nakausap namin at ang sabi nito sa amin ay hindi rin nila alam kung anong gagawin ng writers ng show sa takbo ng istorya at kung may papalit ba sa karakter ng preggy young actress.
Kamakailan ay pasimpleng um-exit na sa programa si young actress at ayon sa istorya ay pumunta muna ng ibang bansa ang kanyang karakter sa teleserye.
Sa totoong buhay ay mukhang nandito pa sa bansa si preggy young actress, pero ang sinasabi niya ay ‘on vacation’ siya ngayon.
Balita namin ay aalis din siya papuntang ibang bansa para doon ipagpatuloy ang kanyang pagbubuntis hanggang sa siya ay makapanganak.
May mga nag-aakalang may relasyon sila ng young actor na ipinapareha sa kanya, pero ang totoo ay may kanya-kanya silang buhay.
May sariling lovelife si young actress at meron din si young actor. Puro kashowbisan lang ‘yung tsikang nagkakamabutihan na sila.
Ayon sa mga nakakaalam ay ang basketbolistang nobyo niya ang ama ng ipinagbubuntis ni young actress. Ang dinig namin ay foreigner ang nasabing lalaki at inlab na inlab dito ang young actress.
Noon pa ay palaging may nakakapansin sa pagiging tabain ni young actress. Minsan ay maganda ang katawan niya, pero kadalasan ay may katabaan siya.
Huwag kayong magtaka kung makita n’yo siyang mas mataba ngayon kesa sa dati dahil alam n’yo na ang dahilan kung bakit.
ALLAN DIONES
November 24 2010 Wednesday
No comments:
Post a Comment