Angelica Panganiban, for the first time nakita na ang tunay na ama!
A few weeks ago, naging emotional si Angelica Panganiban nang humingi siya ng pabor sa Star Magic on air, na bigyan siya ng two days extension niya nitong huling linggo ng November. Sinabi niyang meron siyang kailangang gawin na feeeling niya, kapag nagawa niya ay magiging ibang tao na siya.
That time, palaisipan sa lahat kung ano ang ibig sabihin ni Angelica. Pero ngayon, marami na ang nakaka-alam na ang itnutukoy ng award-winning actress ay ang pagpunta niya sa America, at pakikipagkita niya sa amang never niya pang nakita - kahit sa photo (until this year). Sa exclusive one-on-one interview sa kanya ni Boy Abunda for The Buzz, idinetalye ni Angelica ang mga nangyari at naramdaman niya when she finally saw her dad.
BOY : Merry Christmas
ANGELICA : Merry Christmas Tito Boy
BOY : is it safe to say na itong paskong ito ang isa sa iyong pinakamasaya, na pasko sa iyong tanang buhay?
ANGELICA : ito po siguro yung magiging pinakapaborito kong pasko.
BOY : bakit ito ang magiging paborito mong pasko?
ANGELICA : marami rami na rin naman pong nakakaalam na nagkita kami ng daddy ko sa LA. So masarap lang yung pakiramdam.
BOY : sabi nga natin, ngayon ay angelica…
ANGELICA : Charlson [laughs] (Mark Charlson ang name ng father niya)
BOY : okay paano nagumpisa ang paglalakbay, your journey to looking for your father?
ANGELICA : after kong kausapin yung mama ko, hindi siya sure kung ano talaga yung name nung daddy ko. So yung binigay niya po sakin walang first name, last name lang, so una kong pinuntahan yung website ng US navy and then nakita ko dun yung pangalan niya. pero wala siyang, walang phone number walang kahit na ano. And nung mga panahon po na yun wala kong plano na tawagan siya makausap siya, gusto ko lang makita yung picture niya, para lang mabuo yung imagination ko. Siguro mga two weeks din, nahanap ko yung isang fan page nung ship na sinakyan nila, may isang tao dun na nagpost ng never daw niyang makakalimutan yung experience niya nung martial law sa Philippines nung 1984 to 1986. Pinanganak po ako nung 1986, so nagbakasali ako na baka kilala nga po niya yung mr. charlson na yun. So nagpadala ko ng message sa kanya, then sumagot naman siya. tinanong ko kung may kilala siyang mr. charlson then sumagot siya sabi niya ‘yes why?’ nung narinig ko pa lang yun, nung nabasa ko pa lang yung yes niya para kong nabunutan ng tinik na… hanggang sa after I think wala pang two weeks, nagkausap kami ng daddy ko.
BOY : go back to that moment, the very first time you heard his voice? Sino bang tumawag, tumawag ka?
ANGELICA : ahm nagcha-chat lang kami nun. Nung nakita ko pa lang yung picture niya, nanginginig na ko.
BOY : dahil alam mong siya ang tatay mo? Magkamukha kayo?
ANGELICA [nods] [teary eyed]
BOY : and then anong nangyari after?
ANGELICA : para siyang ano tito boy, lulubog lilitaw. Minsan nandyan minsan...
BOY : anong buwan to angel?
ANGELICA : mga first week of march, hindi ko maintindihan nung una yung dahilan niya na bakit ngayon makikipag-usap. Then para kong pinagtataguan. Then dumating na po ko sa point na nagpadala na ko ng message sa kanya na wala naman akong gusto, hindi ko kailangan ng kahit na anong support, ang gusto ko lang is…
BOY : did you tell him that you are a big star in this country?
ANGELICA : nung nagkatanungan po kami ng trabaho sabi ko nga, artista ko. Then sabi niya igu-google daw niya ko. Then nagtry naman akong igoogle yung sarili ko, nakita ko puro naka-two piece ako. [laughs] so sabi ko no don’t do that. Hindi naman na siya nagcomment na dun pero nitong nagkakausap kami, dun siya parang nagulat na nung hinanap niya ko nagresearch siya about me, na parang yung term niya, gusto niya maging proud ako sa kanya pero parang sa nangyayari sa kanya ngayon, sa mga pinagdadaanan niya hindi niya kayang humarap sakin dahil pakiramdam niya mas mataas ako sa kanya. so ang tagal tito boy, simula march travel ako ng travel, tanggap ako ng tanggap ng show sa ibang country lalo na sa states kasi minsan sasabihin niya yes, pwede siyang magpunta halimbawa sa new jersey, pupunta siya ng san Francisco, and then pag malapit na yun, hindi na siya sasagot so hanggang sa napagod na ko. Sabi ko kung ayaw mo eh di wag at least nakita ko na yung picture mo, yun lang naman yung gusto ko nung una eh
BOY : so paano nangyari na nagkita kayo?
ANGELICA : nung birthday ko po, yung mama ko nagpunta sa bahay then may gift siya sakin na isang cd. Then yun na pinaplay nga namin. Bigla na lang lumabas siya. Binabati niya ko, sabi niya hi angel, happy birthday surprise! This is your dad! Tapos hindi ko maexplain yung pakiramdam kasi nanggaling pa sa pamilya ko yung ganung klaseng regalo. [cracky voice] na sila pa yung gustong magkita kami, magkasama kami, makilala namin yung isa’t isa. Hindi ko po masabi sa kanila kasi baka sumama yung loob nila baka iniisip nila hindi ako masaya sa kanila kaya hinahanap ko yung tatay ko... kaya po ang laking bagay na pinuntahan pa siya ng tita ko sa Iowa para lang makunan ng birthday greeting para sakin. And then nung araw ng birthday ko, tinawagan niya ko. Yun yung first time na nag usap kami. [crying]
BOY : how was it?
ANGELICA : narinig ko palang yung boses niya iyak na ko ng iyak, then alam niyang may cruise dapat ako papuntang mexico. Sabi niya makakakuha daw siya leave ng November 29-30. Sabi ko sige kung pwede ko maextend yung vacation ko magpapaalam ako, para makita kita kahit one day lang. and then nagkataon naman po yung cruise nacancel so napaaga yung flight niya. so five days kaming nagsama.
BOY : go back to the first meeting how was it?
ANGELICA : [crying] ang sarap. [pause] Para pong magic parang... hindi ako makapaniwala hanggang ngayon
BOY : the first words, ano ang lumabas sa inyong mga bibig?
ANGELICA : ah sabi niya ‘it’s okay’ gumanun lang siya kasi iyak ako ng iyak
BOY : and then in the five days what would you talk about?
ANGELICA : nung tinanong ko siya sabi ko, do you know how to speak in tagalog? Sabi niya hindi [laughs] sabi ko ‘a little’ sabi niya ‘oo’ ganun siya, and then nung matutulog na ko binigyan niya ko ng isang baso ng tubig so naglalagay siya ng water sabi niya, ‘isa baso tubig, mesa’ kasi pinatong niya sa table
BOY : did he expect you to be this beautiful?
ANGELICA [laughs] gulat na gulat din po siya actually, gandang ganda po siya sakin [laughs]
BOY [laughs]
ANGELICA : hindi po siya makapaniwala na nakabuo siya ng ganito.
BOY : at nalaman ba niya finally na ika'y malaking artista dito sa pilipinas na ikaw ay si rubi?
ANGELICA : tinatanong po niya kung ano yung mga projects na nagawa ko na and then pagdating ko naman nagbigay ako ng mga movies ng mga dvds, para mapanood niya ko makilala niya ko
BOY : ikinwento mo ba na the reason why you didnt want him to google was, para...
ANGELICA : ay hindi na po umabot diyan kasi pinanood po namin yung i love you goodbye ng magkasama. Eh naparami po yung bedscene ko dun. So medyo kinakabahan po ako at everytime na bedscene tumatalikod ako, akyat ako ng bahay ganun po pala yung pakiramdam kapag may tatay ka na, na para kang nahihiya na hindi mo kayang ipakita yung mga ginagawa kong kalokohan
BOY : but you knew na proud ang tatay mo?
ANGELICA : opo hindi siya nakatulog tito boy. Pinagtyagaan niya talaga yung subtitle.
BOY : tell me the story about the trophy
ANGELICA : nung nanalo po ako sa star awards syempre sobrang happy ako. So dinala ko yung trophy papunta dun, sabi ko that’s for you. The trophy that’s for you. So syempre gulat na gulat na siya... syempre gusto kong ibigay sa kanya kasi parang yun yung pinakaunang best actress award ko and bilang sya yung tatay ko gusto ko nasa kanya yun tito boy kasi sa kanya ko galing. Sa kanya galing lahat ng to
BOY : did he talked about his family?
ANGELICA : opo
BOY : ilan sila?
ANGELICA : tatlo po. Isang babae then dalawang lalaki.
BOY : was he also careful na when he’s talking about his family.
ANGELICA : nung tinanong ko po sa kanya kung alam na ba ng mga kapatid ko yung tungkol sa akin ang sinabi lang niya, nagbibigay na siya ng mga hint. Sinisimulan na niyang magkwento, pero hindi pa umaabot sakin kasi gusto niyang magkita muna kami
BOY ilang taon na sila?
ANGELICA : may 9, may 14 saka may 22.
BOY : kung ang inyong pagkikita was very emotional, how was the goodbye?
ANGELICA : mahirap po, nung nandun pa lang po kami dun sa bahay, siguro mga 30 minutes bago kami umalis, nagkapaalamanan na, yung mamimiss nga daw namin yung isat isa. Tapos yun nagkaiyakan kami then nagyakapan kami. Then naaalala ko inupo niya ko tapos sabi niya kung naaalala ko daw ba parang 2 days ago parang pagod na pagod daw ako nakatulog daw ako sa shoulder niya. then nagising daw siya nakita niyang natutulog ako sa shoulder niya and ginawa daw niya lahat para di siya gumalaw para di ako magising, kasi sinasabi niya yung first born child niya [cracky voice] nakatulog for the first time sa shoulder niya.
BOY : five days five days…
ANGELICA : kulang na kulang tito boy pero yun yung pinakamasayang five days ng buhay ko...
Sa pagkikita nina Angelica Panganiban at ng ama niyang si Mark Charlson, masaya niyang sinasabi na finally ay buong-buo na ang pagkatao niya. Pero hindi lang ang pagkikita nila ng real father niya ang dahilan para mabuo siya bilang isang tao. Dahil bago niya pa hanapin ang kanyang ama, ay isang malaking sikreto pa about her ang nalaman ng aktres. At ito ay ang katotohanang ang inang kinalakhan niya, ang inang nakasama niya simula pa baby siya... ay hindi niya pala tunay na ina. Paano nalaman ni Angelica ang lihim na ito? Sino ang tunay niyang ina? At paano niya tinanggap ang malaking pasabog na ito sa buhay niya?
BOY : angelica charlson, balikan lamang natin ng konti para ma-appreciate natin ano. Angel I don’t know how to phrase this question, pero kailan mo nalaman na dapat hanapin mo ang iyong ama?
ANGELICA : Nalaman ko lahat lahat, ahm nung january lang. to be exact January 5, 2010.
BOY : paano mo nalaman?
ANGELICA : sa cousin ko, right after taping of banana split nagku-kwentuhan kami. Para ko kasing best friend yun eh. So nagtanong ako sa kanya, matagal na matagal ko nang gustong itanong yun sa kanya, kasi feeling ko may alam siya sa tunay na nangyayari sa aming buong pamilya. So sabi ko alam mo feeling ko ampon ako. Gumanun ako sa kanya. And then hindi siya nagsalita. Umiyak lang siya. [cracky voice] Naaano na ko parang ah eto na yun.
ANGELICA : Wala akong reaksyon pumasok lang ako ng cr hindi ko rin alam kung bakit. Tapos tinignan ko yung sarili ko, parang blangko. Then lumabas ako tapos sabi ko sa kanya, so ibig sabihin hindi kita kamag-anak? Then humindi siya tapos umiyak lang siya tapos umupo ako tapos sabi ko, so wala akong pamilya? [cracky voice ulit] tapos sabi niya hindi hindi pamilya tayo pamilya tayo. So yun yung mga unang pumasok sa isip ko. and gusto ko lang linawin na wala akong naramdamang galit. Yung unang naramdaman ko is nainggit ako. Kasi hindi pala talaga ko part nung family na kinalakihan ko. [teary eyed] na parang para sakin ang perfect nun lahat. so hindi ko maharap yung pamilya ko, hindi ako makauwi samin, kasi nahihiya ako, baka nasasaktan ko pala sila. Baka may nasasabi akong hindi maganda [cracky voice, teary eyed] /
BOY : nag-aantay lang siya na tanungin mo?
ANGELICA : siguro po, or siguro nag iba lang din yung buhay namin nung naging artista ko. Kasi baka pag nalaman ng mga tao, pagtawanan ako or maging iba yung tingin sakin, maraming taong makisawsaw. So hinintay po niya siguro yung pagkakataon na kaya ko nang ipaglaban yung sarili ko. So ako yung, masyado kong, sobra kong grateful, iniisip ko sobra kong blessed... Sabi ko nga sa kanila kung ako yung, ako yung papipiliin kung kaya ko lang magsalita nun [teary] kayo at kayo yung pipiliin ko.
Pero matapos ang ma-discover, hindi naman daw nagmadali si Angelica na hanapin o kilalanin ang kanyang biological parents.
ANGELICA : and then may nagtanong sakin, tinanong ako ni ketchup... eusebio, sinabi ko sa kanya lahat. And then tinanong niya ko kung gusto ko makilala yung mga magulang ko. Sabi ko humindi ako. Kasi bakit pa, sabi ko may pamilya ko at masaya ko sa pamilya ko. And then nagkaroon na lang ng isang, after a month, after valentines day. Nasabi na rin sakin sa isang kwentuhan, nadulas na lang din yung isa sa mga kaibigan kong nakakaalam din ng totoo, na wala na daw pala yung tunay kong nanay. namatay siya 2 years ago. Sa Singapore. So dun ako nagkaroon ng pakiramdam na kailangan ko siyang bisitahin, magbigay respeto. And magpasalamat kasi naisip pa rin niyang buhayin ako. Bigyan ng ibang pagkakataon yung ibang pamilyang sumaya. Hindi niya ko naisip ipalaglag o kung anuman
BOY : paano mo ginawa ito, paano ka nagbigay respeto? Paano ka nagpasalamat sa iyong ina?
ANGELICA : pinuntahan ko yung puntod niya... [cracky voice] nung holy week.
BOY : at ang sinabi mo sa iyong nanay?
ANGELICA : hindi ko siya kilala pero mahal ko siya. [pinipigil umiyak]
BOY : saan ang puntod ng nanay?
ANGELICA : nasa singapore po.
ANGELICA : nung highschool pa lang po ako, may nagsasabi na sakin na ‘uy kilala ko yung tunay mong nanay’ may lumapit saking ganun. Hindi ko lang siya pinansin. Isa sa mga bestfriends ko sinabi niya na may mga kakilala nga daw yung brother niya sa olongapo na kine-claim na alam daw yung tunay kong pagkatao ganun..
BOY pero hindi mo pinapansin?
ANGELICA : hindi. Pero nagstart na kong magdoubt kung bakit may mga lumalabas na ganun.
BOY : wala kang kinausap? Talagang itinago mo ito sa sarili mo?
ANGELICA : oo. Nahihiya po kasi ako baka mali ako. Kasi tito boy sa relationship kung dun ko po titignan kung papano nila ko tinrato, wala akong mararamdaman na hindi ko sila kapamilya. Never nilang pinaramdam sakin na iba ko.
BOY : do you wanna go into the details of your story?
ANGELICA : kahit ano po. [laughs]
BOY : paano nangyari? i mean what happened bakit ka ipinaampon?
ANGELICA : ang pagkakaaalam ko po hindi talaga ko kayang iprovide ng nanay ko, so minabuti po niyang ibigay ako sa pamilyang may kaya nung mga panahon na yun.
BOY naiintindihan mo yan sa puso mo?
ANGELICA : oo. And sinasabi nga ni mama, alam mo nak yung nanay mo, kahit napapanood ka niya sa TV, nakikita niya na kumikita ka, never siyang tumawag dito or nanghingi ng kahit na ano. Wala silang ginawa para iblackmail kami, [slightly crying] or guluhin kami, siguro Masaya lang talaga siya para sakin.
Kasabay ng katotohanang ito, ay ang tunay na dahilan kung bakit hindi siya hinanap ng kanyang ama.
ANGELICA : ang alam niya namatay kami sa isang car accident, may nagpadala ng telegram sa kanya na namatay kami sa car accident.
BOY : kayong mag ina?
ANGELICA : two months before ako ipanganak daw. Kasi alam po niya na November ako ipapanganak eh. So mga around septemeber, nakatanggap siya ng sulat na wala na nga daw kami. And then hindi siya makauwi kasi nakadestino siya, I think sa Arizona yata yung kwento niya sakin
BOY : ito yung gusto mong sabihin na nabuo, nakumpleto.. hindi ba. Ambait ng diyos
ANGELICA sobra
BOY God is so good to you.
ANGELICA : hindi ko nga po alam kung ano yung nagawa kong maganda bakit nangyayari sakin to eh. [crying] para kong tanga.
BOY : bilang pagtatapos angel, if you were to pray now, what is your prayer, ano ang dasal mo?
ANGELICA : sawa na po siguro siya sa kakapasalamat ko
BOY wala ka nang ginawa kundi magpasalamat ng magpasalamat
ANGELICA : [cry] sobra...hindi ko ineexpect na mangyayari po ito sa buhay ko eh. Pinagppray ko lang na alam kong hindi lang to sakin nangyayari. May iba ring bata na gustong makita yung nanay nila or tatay nila… or mga kapatid nila. Gusto ko pong maging inspirasyon para sa kanila.
BOY : sa iyong pamilya ngayon, anong nasa puso mo, what do you wanna tell them?
ANGELICA : [teary eyed] mahal na mahal ko po sila at kahit po bali-baliktarin natin yung sitwasyon, sila po yung pamilya ko.. sila lang
BOY : but you also know in your heart that wherever your mom is, your real mom is, she must be smiling
ANGELICA : nung araw ng patay nung nov 2, naglight ako ng candle para sa kanya. Alam ko na proud ka sakin and sana dumating yung panahon na sabi ko malapit ka na naman diyan, baka pwede mong kalabitin sa papa jesus na baka pwedeng someday, magkita kami ng daddy ko. Then nov 2 yun, November 4 yung birthday ko. November 4 ko napanood yung birthday greeting sakin ng daddy ko at nakausap ko pa.
BOY : he’s there. your dad, baka igoogle ito at mapanood itong ating pag uusap, what do you wanna tell him?
ANGELICA : alam naman po niya na mahal na mahal ko siya at may mga tao nga pong nagtatanong, bakit mahal mo na kaagad eh kakakita mo pa lang. Sabi ko hindi mo kayang iexplain pag nandun na/
BOY : katulad nga ng sabi mo you must have been doing so many things that are good in the eyes of god for you to be so happy now. And Masaya kami para sa iyo, maraming salamat
ANGELICA : thank you
No comments:
Post a Comment