Kilala ng mga tao sa airport kung sinu-sinong mga aktres ang masasama ang ugali, matataray at masusungit.
Una na sa listahan nila ang isang magandang aktres na sikat sa isang malaking network.
Ewan kung may buwanang dalaw si aktres, wala lang sa mood o sadyang masama ang ugali niya nang sungitan niya ang isang assisting officer.
Na-excite kasi ang assisting officer dahil nakita niya ang aktres nang personal.
Magkapareho sila ng apelyido kaya walang kaabug-abog na sinabi nito sa magandang aktres na, “Ma’am, magkapareho pala tayo ng apelyido?”
Sagot ni magandang aktres, “Eh anong pakialam ko sa ‘yo?!” Nagulat ang assisting officer.
Napahiya siya sa mga kasamahang nakarinig ng pagtataray ni magandang aktres kaya hindi na siya kumibo.
Ang isang sumikat na aktres dahil sa kanyang controversial lovelife at namamahinga muna ngayon para harapin ang buhay may asawa, nagpatikim ng kanyang taray sa assisting officer sa airport.
Kilala sa showbiz na mataray si aktres, pero disimulado magtaray dahil mas nangingibabaw ang kanyang bubbly charm.
Noong nasa airport siya, hindi siya masyadong ngumingiti sa mga bumabati sa kanya.
Kung ngingiti man, halatang pilit.
Nasaktan ang mga assisting crew sa kanya nang magtaray ito na parang utusan niyang binabayaran ang mga ito.
Pasigaw niyang sinasabihan ang mga crew na ingatan ang kanyang mga gamit dahil mamahalin ang mga ito.
Ang ginawa ng mga assisting crew, pinabayaan nila si aktres at ang alalay nito na magtulak ng mga gamit nito.
Nahalata ni akres ang reaksyon ng mga crew kaya biglang lumambing ang boses niya, “Paki na lang, please…”
Rey Pumaloy
November 14, 2010 Sunday
HULAAN NA!
No comments:
Post a Comment