Type na type ng pretty newcomer ang isang hunky showbiz personality.
Sobrang naseseksihan at naguguwapuhan siya rito kaya nasabi niya sa kanyang mga kaibigan na ‘pag niyaya siya ng hunky showbiz personality na mag-date sila ay papayag siya agad.
Bago pa niya naispatan at nataypan ang nasabing hunky guy ay nauna nang nai-press release ni pretty newcomer na crush niya ang isang guwapong young actor.
Sa mga interview niya ay buong ningning na inamin ni pretty newcomer na showbiz crush niya si guwapong young actor.
May paeklay pa siyang gusto niyang makatrabaho si guwapong young actor at makatambal ito sa mga gagawin niyang project in the future.
Ngayong may iba na siyang type ay lumalabas na kashowbisan lang pala ang mga pahayag na ‘yon ni pretty newcomer.
Ang dayalog niya sa mga kaibigan niya, hindi na niya crush si guwapong young actor at mas type na niya ‘yung hunky showbiz personality, kaya lang ay kailangan niyang magpaka-consistent sa mga statement niya kaya ‘pag tinatanong siya ay si guwapong young actor pa rin ang isinasagot niya na #1 showbiz crush niya.
Ang hindi alam ng fans, ibang showbiz guy ang tunay niyang gusto at atat na atat siyang makilala ito.
Hot na hot ang dating sa kanya ng nasabing lalaki kaya biglang nawala sa kamalayan niya si guwapong young actor na dati niyang pinagnasaan.
Mukhang marunong dumiskarte si pretty newcomer at nagawa niyang iparating kay hunky showbiz personality na type niya ito. Ang dinig namin ay may kontak na ang dalawa at nagpaplano na silang magkita para magkakilala sila nang lubusan.
Hindi kami magtataka kung by this time ay nagkakamabutihan na ang dalawa at ‘nakilala’ na nang husto ni hunky showbiz personality ang animo’y sweet at inosenteng si pretty newcomer.
ALLAN DIONES
November 14, 2010 Sunday
HULAAN NA!
No comments:
Post a Comment